Loading...
Loading...

[Transcript] Interview with Vice President Leni Robredo in Malaybalay, Bukidnon

11 October 2017
Ceremonial turnover of classroom buildings
DepEd Office, Malaybalay, Bukidnon
Q: Good morning, Madam Vice President. Si Mel Velez po ito, Ma’am, at magandang umaga. Welcome po again dito sa probinsya ng Bukidnon. Unang katanungan po, Ma’am, itong Angat Kabuhayan, ito ay direksyon na ite-take ng Angat Buhay, papasok po dito sa second year of implementation. Kumustahin po namin, Ma’am Vice President.
VP LENI: Ito, nag-one year na iyong Angat Buhay yesterday. Ang nakita po namin sa aming pag-iikot, kahit ang dami naming tulong na ibinababa, hindi pa din siya sapat. Hangga’t hindi natin nape-prepare iyong mga pamilya na magkaroon ng steady hanapbuhay. Kaya naisip namin na sa papasok na second year ng operations ng Angat Buhay, bigyan ng mas malaking emphasis iyong jobs and livelihood. Ilo-launch namin on October 17 iyong Angat Kabuhayan. Na nagpa-partner kami with several companies and international organizations, na job-matching iyong gagawin namin saka skills training. Kami iyong maghahanap ng mga available, makiki-coordinate kami with the PESO offices ng mga areas namin. Iyong mga skills training na kailangan, kami iyong mag-aasikaso. Pero iyong pinakasukat nito, ilan ba iyong nabigyan ng maayos na trabaho.
Q: Anu-ano po iyong mga industries na i-e-engage na maging partner natin, Ma’am? Na ma-e-engage natin?
VP LENI: Halos lahat na industries, pero nakita kasi namin, mayroong iilan na employment drivers talaga. Isa dito, manufacturing. Iyong manufacturing, maraming mga areas sa manufacturing na industry driver. Halimbawa iyong semi-conductors napakalaki noon. Iyong chemicals, malaki siya. Iyong car manufacturing, malaki. Iyong ship-building, malaki. Ito iyong gusto nating tingnan, kasi iyong reklamo—
We have partnerships with several organizations. Halimbawa, Makati Business Club, PCCI, Management Association of the Philippines. Parang sinasabi nila, hindi naman nagkukulang iyong trabaho, parating ang daming trabaho, pero walang nagku-qualify na skills. So iyong sa amin, iyong sa skills, nakikipag-partner tayo with TESDA. Nakiki-partner din tayo with the industries themselves, na ang iba sa kanila willing na sila mismo iyong magbigay ng training, alalayan lang natin.
Pero aside from manufacturing, isa pa sa main drivers talaga, tourism. Kaya gusto nating bigyan ito ng tutok.
Tapos iyong pangatlo, na tingin ko ito iyong pinakamalaki, agriculture. Ito iyong tatlong sector na na-identify namin na talagang siya iyong main drivers ng jobs and employment.
So iyong agri, mayroon kaming mga models na tinitingnan ngayon. Iyong isa, iyong Jollibee Foundation model, kung saan pina-partner iyong mga farmers with the supply chain. Halimbawa, iyong onions, iyong sibuyas na kailangan ng Jollibee, dati ini-import ngayon, pero ngayon binibili na niya sa mga magsasaka ng Nueva Ecija.
Iyong gusto natin ganoon. I-encourage iyong mga farmers natin na magtanim ng specific crops na may siguradong market. Kasi ngayon, marami namang nagtatanim—ang dami nating magsasaka, ang daming nagtatanim—pero ang kaunti ng kanilang income, na kahit anong pagod nila, mahirap pa din sila. So gusto sana natin mabawasan iyong… mabawasan iyong middlemen, para sila nakakadirekta ng supplies sa mga nangangailangan. Kasi ang yumayaman madalas ang middlemen. So ite-train namin sila. Hindi lang sila magiging farmers, pero entrepreneurs din.
Ito iyong next phase. Actually, kahapon sa Sumilao, mayroon nang nag-graduate na 244 farmers, papunta na dito. Sa Tampakan, South Cotabato, may nag-graduate din na 256 under our program, with Pilipinas Shell Foundation.
Pero ito, ang gusto nating gawin, after mag-graduate ng farmers sa ganito, tututukan na natin iyong kanilang farming techniques na ginagawa, para mama-maximize iyong kaunting lupa na mayroon sila. Halimbawa, i-open nila iyong lupa nila sa intercropping, na may emphasis sa mga produktong may market na. Halimbawa nito… halimbawa iyong corn, ang daming nagtatanim ng corn pero ang mura siya. Ang mura. Kahapon, ang tinitingnan noong mga taga-San Vicente, Sumilao, na natutunan nila sa training na ginawa ng Pilipinas Shell, na iyong corn iko-convert into feeds. Sila iyong tutulungang mag-convert, para iyong bili sa kanila value-added na. Tapos gusto nilang mag-alaga ng mga native chicken, kasi ang laki ng market ng native chicken. Tapos iyong mga feeds na out of corn, iyong gagawin nila pati iyong mga manok nila, doon na kakain. Ang kuwenta nila, puwedeng mag-increase iyong income nila by as much as three to five times of what they’re getting now. So ito iyong konsepto.
Q: Okay, last na katanungan—Sam, final words iyan, nagmamadali si Vice President Leni. Ma’am, puwede daw pong itanong kung nadagdag iyong pondo ng Angat Buhay?
VP LENI: Dati kasi walang sariling pondo iyong Angat Buhay. Ang ginagawa namin, iyong operations nacha-charge namin sa ibang pondo sa opisina, ng subsidies saka operating costs, nandoon iyong operations ng Angat Buhay. Pero iyong pondo mismo sa pagtulong, wala siyang sariling pondo.
Pero noong Lunes, nandoon kami sa Senado. Si Senator Tito Sotto iyong nagtanong kay Senator Loren Legarda. Si Senator Loren iyong chairman ng Committee on Finance, siya iyong nagde-defend ng budget namin. Parang iyong tanong ni Senator Sotto, magkano ba iyong budget for Angat Buhay, so ang sagot namin, wala. Wala siyang budget. So sabi niya, ipo-propose niya na madagdagan ng 20 million [pesos].
Sana ma-approve iyon. Pero sa Senado, wala na siyang problema. Sana ma-approve iyon. Maliit ang 20 million [pesos], pero mas mabuti na iyon kaysa wala.
Ang gustong sabihin nito, kapag mayroong mga urgent—halimbawa, mga bagyo, sakuna… Dati kasi kapag may ganoon, mamadaliin namin iyong partners. Pero kung may sarili kaming pondo, puwede kaming maka-respond at the soonest possible time.
Q: Okay, finally, Ma’am, ano? Mayroong parochial fiesta po dito. Dalawang bayan iyan—iyong San Fernando sa second district, at iyong pangatlo ng bayan ng Quezon. Parochial fiesta po in honor of Nuestra Señora del Pilar at saka iyong San Fernando. Ma’am Vice President, this is your opportunity to give your fiesta message to the good people ng dalawang bayan na ito. Go ahead, Ma’am.
VP LENI: Nakiisa po kami sa saya. Nakikiisa kami sa saya at selebrasyon ng parochial fiesta ng San Fernando saka ng Quezon. Ang bawat kapistahan po ay isang pagkakataon hindi lang magsaya, pero maggunita ng lahat na bagay na kailangan nating ipagpasalamat. At pagkakataon din na sabay-sabay mangarap tayo muli. Managinip kung ano iyong gusto nating mangyari sa mga susunod na taon. Itong kapistahan parati itong masaya na okasyon, kaya masaya din po ako na sa panahon ng inyong kapistahan—hindi man po ako makakadalo—pero nandito po ako sa inyong lugar. Maraming salamat po.
Q: Okay, thank you so much.
VP LENI: Salamat.
– 30 –

Comments(0)

    Leave a Comment